Loading...

Thursday, February 23, 2012

غەمباری باش نیە



لێكۆلینه‌وه‌یه‌كى تازه‌ى پزیشكى كه‌ توێژه‌رانى ئه‌مریكى له‌ زانكۆى “هارفارد”ى ولاته‌ یه‌كگرتووه‌كانى ئه‌مریكا ئه‌نجامیان داوه‌ ، ده‌ریانخستووه‌ كه‌ ئه‌و كه‌سانه‌ى هه‌ست به‌ دڵته‌نگى و غه‌مبارى ده‌كه‌ن ، ئه‌وا زیاتر نزیكن بۆ تووشبوون به‌ نه‌خۆشیه‌كانى وه‌ستانى دڵ به‌ رێژه‌ى 21 جار زیاتر له‌چاو كه‌سانى تردا ، به‌مه‌ش زیاتر دووچارى مردن ده‌بنه‌وه‌ ، وه‌ ئه‌و كه‌سانه‌ى تووشی غه‌مبارى و قه‌له‌ق و له‌ده‌ستدانى ئاره‌زوى خواردن و به‌رزى ئاستى كورتیزول ده‌بن ، ئه‌وا مه‌ترسی تووشبونیان به‌ نه‌خۆشی وه‌ستانى دڵ زیاتر ده‌بێت.
توێژه‌ران ده‌لێن” ئه‌و كه‌سانه‌ى تووشی فشارى ده‌روونى و كه‌مى كاتژمێره‌كانى پشوودان و نووستن و زۆر خواردنى حه‌بی پزیشكى ده‌بنه‌وه‌ ، ده‌كرێت له‌ داهاتوودا تووشی مه‌ترسیه‌كى گه‌وره‌ى ته‌ندروستى ببنه‌وه‌ .
به‌پێی لێكۆلینه‌وه‌كه‌ مردن له‌لایه‌ن ئه‌و كه‌سانه‌ى تووشی به‌رزى ئاستى نه‌خۆشیه‌كانى دڵ هاتوون به‌ رێژه‌ى 21 جار زیاتر ده‌بێت له‌ماوه‌ى ڕۆژی یه‌كه‌مدا ، به‌ به‌رامبه‌ر شه‌ش جار زیاتر له‌چاو ئه‌وانه‌ى ئاگادارى بارى ته‌ندروستى خۆیانن .
موراى میتلمان پزیشكى نه‌خۆشیه‌كانى دڵ له‌ كۆلیژى پزیشكى سه‌ربه‌ زانكۆى هارفارد ده‌لێت” ئه‌وانه‌ى له‌ ژیانێكى دڵته‌نگ و په‌ریشانیدا ده‌ژین ، زیاتر تووشی نه‌خۆشیه‌كانى دڵ و وه‌ستانى دڵ ده‌بنه‌وه‌ ، به‌مه‌ش ئه‌گه‌رى مردنیان زۆر زیاتره‌ له‌چاو كه‌سانى تردا .
جێی باسه‌ لێكۆلینه‌وه‌كه‌ له‌سه‌ر كومه‌لێك كه‌سی تووشبوو به‌ نه‌خۆشی دڵ ئه‌نجام دراوه‌ ، كه‌ زۆربه‌شیان تووشی كێشه‌ى هه‌ناسه‌ ته‌نگى قورس هاتوون ، وه‌ بۆ توێژه‌ران ده‌ركه‌وتووه‌ كه‌ فشارى ده‌رونى و غه‌مبارى گرنگترین هۆكارى به‌رزكردنه‌وه‌ى مه‌ترسی تووشبوونن به‌ نه‌خۆشیه‌كانى دڵ و به‌رزبوونه‌وه‌ى پاله‌په‌ستوى خوێن.

No comments:

Post a Comment